Жорий йилдаги ғалла ҳосили учун кутилаётган нархлар маълум қилинди. Бу ҳақда Қишлоқ хўжалиги вазирлиги хабар берди.
Ўзбекистон Республикаси президентининг 2020 йил 6 мартдаги «Ғалла етиштириш, харид қилиш ва сотишга бозор тамойилларини кенг жорий этиш чора-тадбирлари тўғрисида»ги ПҚ-4634-сонли қарори мавжуд.
Унга кўра Қишлоқ хўжалиги вазирлиги ҳамда фермер, деҳқон хўжаликлари ва томорқа ер эгалари кенгашига жаҳон бозори, минтақавий биржалар нархларини таҳлил қилган ҳолда келгуси йил ғалла ҳосили учун кутилаётган минимал нархларни эълон қилиш вазифаси юклатилган.
Шунингдек, бозорлардаги нархлардан келиб чиқиб, ҳар чоракда ушбу нархга тузатишлар киритиб, оммавий ахборот воситаларида эълон қилиб бориш вазифаси ҳам мавжуд.
Шунга мувофиқ, жаҳон бозори ҳамда минтақавий биржалар нархлари таҳлил қилиниб, 1 тонна ғалла ҳосили учун кутилаётган минимал нарх 3,0 млн сўм бўлиши эълон қилинди.
Аввалроқ Ўзбекистонда 1 июндан бошлаб ғаллани давлат томонидан сотиб олиш ва сотишда бозор нархларига ўтилиши ҳақида хабар берилган эди.
Изоҳ (0)