Болгария АҚШдан суюлтирилган газни (LNG) «Газпром»дан кўра арзонроқ нархларда етказиб беришга келишиб олди, дея хабар беради республика ҳукумат сайти.
Вашингтонда бош вазир Кирилл Петков ва АҚШ вице-президенти Камала Харрис ўртасида газ етказиб беришни июнь ойидан бошлаш бўйича келишувга эришилди.
Болгарияга июнь ойидан бошланадиган суюлтирилган газни реал етказиб бериш бўйича келишиб олинди, бу «Газпром»никидан арзонроқ нархларда амалга оширилади, - дейилади хабарда.
Аниқ рақамлар ҳали ошкор этилмаган.
Аввалроқ газ учун рублда тўлашдан бош тортгани учун «Газпром» Болгария ва Польшага энергия етказиб беришни тўхтатгани ҳақида хабар берилган эди.
Изоҳ (0)