«Боруссия Д» ҳужумчиси Эрлинг Ҳоланд фаолиятини «Манчестер Сити»да давом эттиради.
«Манчестер Сити» Ҳоландни 2022 йилнинг 1 июлида трансфер қилиш борасида дортмундликлар билан келишувга эришганини маълум қилди.
Эндиликда «шаҳарликлар» норвегиялик футболчи билан шахсий шартнома борасида келишиб олса бўлгани.
Аввалроқ «Манчестер Сити» Ҳоланд учун немис клубига 75 миллион евро тўлаши айтилганди. Хабарларга кўра, Ҳоланднинг трансфери инглиз клубига 250 миллион еврога тушади. Футболчининг маоши ҳафтасига 375 миллион еврони ташкил қилса, агентлар учун 50 миллион евро комиссия тўланади.
21 ёшли футболчи «Боруссия»га 2020 йилнинг январида ўтганди. Шу вақтга қадар у Дортмунд клуби сафида 88 та ўйин ўтказиб, 85 гол ва 23 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)