Uzbekistan Airways авиакомпанияси «www.uzairways.com» сайтининг янги версиясини ишга туширганини маълум қилди.
Сайтнинг янги версияси ташриф буюрувчиларга асосий бўлимларнинг тузилишини тезда ўрганиш ва керакли маълумотларни янада осон топиш имконини беради.
«Қаердан» ва «Қаерга» бўлинмалари кирилл алифбосини тўлдиришда лотин тилидаги шаҳарларнинг кодлари ва номларини автоматик тарзда алмаштиради.
Шаҳарларнинг рўйхати географик ҳудудлар бўйича тартибга солинди ва гуруҳланди, бу эса йўловчига керакли йўналишни излашни осонлаштиради.
Сайтда ахборот қисмидан ташқари қуйидаги қўшимча хизматлар ҳам мавжуд:
- авиачиптани онлайн сотиб олиш;
- қўшимча хизматларни харид қилиш (жой танлаш, меъёрдан ортиқ юк, премиум юк, бортда овқатланиш);
- авиақатновга онлайн рўйхатдан ўтиш (фақат республика ичидаги йўналишларга);
- авиақатновлар жадвали;
- авиачиптани текшириш;
- онлайн-табло;
- жўнатилган юкнинг онлайн ҳолати (юк ташувлари учун).
Изоҳ (0)