Президент Шавкат Мирзиёев Тошкент шаҳри Олмазор туманининг «Ачаобод» маҳалласида истиқомат қилаётган Иккинчи Жаҳон уруши қатнашчиси Аббос ота Аппанов хонадонида бўлиб, уни байрам билан табриклади. Президент матбуот котиби Шерзод Асадов давлат раҳбарининг хонадонга ташрифи тасвирланган видео билан бўлишди.
Президент Аббос ота Аппановга ватан тинчлиги йўлидаги хизмати ва фидокорона меҳнатлари учун миннатдорчилик билдирган.
Шавкат Мирзиёевга кўра, Аббос ота Аппанов Иккинчи жаҳон урушидан кейин ватанга қайтиб, пойтахтдаги 139-сонли мактабда узоқ йиллар немис ва инглиз тилидан дарс берган.
«Бутун умрингизни халқимизнинг, фарзандларимизни тарбия қилишга бағишлагансиз… Соғ-саломат бўлиб, қилган ниятларингиз амалга ошиб, фарзандларингиз, набираларингиз камолини кўриб юринг доим», — дея табриклаган давлат раҳбари.
Аввалроқ 9 май арафасида уруш қатнашчилари, концлагерлар маҳбуслари ва Ленинград қамалида бўлган фуқароларга 15 миллион сўмдан берилиши маълум бўлганди.
Изоҳ (0)