8 май куни Украина президенти Владимир Зеленский Фавқулодда вазиятлар давлат хизмати ходимларига «Фидокорона хизматлари учун» медалларини топширди. Тақдирлаш маросими Украинага ташриф буюрган Канада бош вазири Жастин Трюдонинг иштирокида бўлиб ўтди.
Мукофотланганлар орасида Патрон лақабли ит ҳам бор, у жанговор ҳаракатлар кечаётган ҳудудларда миналарни қидиришга ёрдам берган. Патрон ижтимоий тармоқларда машҳур, Украина фавқулодда вазиятлар хизмати ходимлари уни ўзларининг тумори деб билади.
«Мен нафақат портловчи объектларни зарарсизлантиришга ёрдам бераётган, балки болаларимизга мина хавфи мавжуд бўлган ҳудудда зарур хавфсизлик қоидаларини ўргатишда кўмаклашаётган сапёр Патронни тақдирладим», — дея Зеленскийдан иқтибос келтиради «Интерфакс-Украина».
Патрон Трюдо билан танишганидан хурсанд бўлди, деб ёзади Украина фавқулодда вазиятлар давлат хизмати ўзининг Telegram’даги каналида.
Изоҳ (0)