Reddit ijtimoiy tarmog‘ida hovlida turgan ikkita ulkan “lampa” surati keng tarqalib, ko‘pchilikning e’tiborini tortdi, deb xabar beradi “Hi-Tech.Mail.ru”.
Bir qarashda, kadrda biror-bir dekoratsiyaning modeli tasvirlangan va uni kimdir orqa hovlisiga o‘rnatgan deya tasavvur qilish mumkin. Aslini olganda kadrning yuqori qismiga yaxshilab e’tibor qaratilsa, lampochka ilingan arqon payqaladi. Arqon — tasodifiy optik illyuziyani yaratgan sirni fosh etuvchi kalit hisoblanadi.
Gap shundaki, suratda oddiy lampochka juda yaqin masofadan turib tasvirga olingan. Orqa tarafdagi o‘t-o‘lanning yashil ranggi shunday fon hosil qilganki, natijada lampochkalar yerda turgandek ko‘rinadi. Aslini olganda ular suratkashning ko‘zi qarshisida arqonga ilingan va o‘t hamda panjaradan ancha uzoqda.
“Bu men shu paytgacha ko‘rgan eng ishonchli illyuziyalardan biri. Suratga nima bo‘lganini tushunishim uchun ancha vaqt ketdi”, — deb yozadi Reddit foydalanuvchilaridan biri.
Bundan oldin ijtimoiy tarmoqlarda it yoki erkak tasviri noaniq bo‘lgan surat bir qancha muhokamalarga sabab bo‘lgandi.
Izoh (0)