Виржиния штатида яшовчи Андреа Диас Голливуд юлдузлари Жонни Депп ва Эмбер Хёрднинг иши кўриб чиқилаётган суд биносига иккита алпакани етаклаб келди, деб хабар беради The Washington Post.
Пандемия даврида Диаз Долче ва Инти лақабли алпакаларини тарбияланувчиларнинг кайфиятини кўтариш мақсадида болалар муассасаларига олиб бориб юрган. Бу сафар эса у Жонни Деппни қўллаб-қувватлашга қарор қилган. Ҳайвонлардан бирининг бўйнига «Жонни учун адолат» ёзуви туширилган пешлавҳа илинган.
Афсуски, актёр суд биносига хизмат эшиги орқали киргани сабаб алпакаларни кўрмаган. Диаз бундан бўлишини тахмин қилган, шундай бўлса-да, омадини синаб кўришдан қайтмаган.
Аввалроқ Disney компанияси Деппни Хёрд билан можароси сабаб «Кариб денгизи қароқчилари»нинг янги қисмидан четлаштирган эди. Аёл собиқ эрини оиладаги зўравонликда айблаган. Жонни Депп собиқ рафиқаси билан суд жараёнида 300 миллион доллар ва миллионта алпака учун ҳам «Кариб денгизи қароқчилари»даги Жек Читтак ролига қайтмаслигини маълум қилганди.
Изоҳ (0)