Беларусь президенти Александр Лукашенко Собиқ Иттифоқ давлатлари янги тузилган Иттифоқ давлатларига қўшилиши ҳақида гапириб ўтганди. Ўзбекистон Ташқи ишлар вазирлиги ҳолат юзасидан баёнот билан чиқди.
Қайд этилишича, сўнгги вақтларда ҳодисаларни ёритишда холислик ва бетарафликка даъво қиладиган баъзи чет эл нашрлари айрим хорижий давлатлар раҳбарларининг Иттифоқ давлатини кенгайтириш ва унга Ўзбекистон қўшилиши ҳақидаги асоссиз фикрларини тарқатишда давом этмоқда.
«Шу муносабат билан Ўзбекистоннинг хорижий ҳамкорлар билан дўстона муносабатларига путур етказиши мумкин бўлган бундай иғвогар ҳаракатларга йўл қўйилмаслигини яна бир бор таъкидлаймиз.
Ўзбекистон Республикаси ўз мустақиллиги ва суверенитетини таъминлаш мақсадида фақат миллий манфаатлардан келиб чиққан ҳолда бундан буён ҳам ўзи танлаган мустақил тараққиёт йўлида қатъий давом этади», — дейилади вазирлик баёнотида.
Изоҳ (0)