Шавкат Мирзиёев раислигида 6 май куни ўтказилган йиғилишда келгуси уч йилда электротехника тармоғи учун 4 минг нафар олий ва 14 минг нафар ўрта маълумотли мутахассис зарур бўлиши таъкидланди. Бу ҳақда президент матбуот котиби хабар қилди.
Қайд этилишича, Самарқандда ишга тушириладиган корхоналарда 2022 йилда 1 минг 200 нафар мутахассисга эҳтиёж мавжуд. Шунинг учун Тошкент шаҳридаги радиотехника коллежи, Самарқанд ва Чирчиқ хизмат кўрсатиш техникумлари, Фарғона электротехника коллежи «Ўзелтехсаноат» уюшмасига бириктирилиши белгиланган.
Бир ой муддатда Тошкент давлат техника университети ва бошқа олийгоҳларнинг электротехника бўйича ўқув дастурларини тўлиқ қайта кўриб чиқиш топширилган.
Изоҳ (0)