Мустақил Беларуснинг биринчи раҳбари Станислав Шушкевич 4 майга ўтар кечаси Минскда 87 ёшида вафот этди. Бу ҳақда унинг рафиқаси Ирина Euroradio нашрига маълум қилди.
Апрель ойининг охирида Шушкевич COVID-19 билан касалланганидан кейин реанимацияга ётқизилган. Икки кундан кейин сиёсатчи касалхонадан чиққан, аммо унинг соғлиғи ёмонлашиб борган.
Станислав Шушкевич 1991—1994 йилларда 12-чақириқ Беларусь Олий Кенгашига раҳбарлик қилган. Республика раҳбари сифатида у СССРнинг парчаланишига хизмат қилган Беловеж келишувларини имзолаганди.
1994 йилнинг ёзида Шушкевич Беларусдаги биринчи президентлик сайловларида иштирок этган ва 9,91 фоиз овоз олиб, тўртинчи ўринни эгаллаган. Сайловда Александр Лукашенко ғалаба қилган эди.
Март ойи охирида Озарбайжоннинг биринчи президенти Аяз Муталибов 83 ёшида вафот этганди.
Шунингдек, Мали собиқ президенти Иброҳим Бубакар, Европа парламентининг раҳбари Давид Сассоли, Жанубий Африка Республикасининг собиқ президенти, тинчлик бўйича Нобель совриндори Фредерик Виллем де Клерк вафот этгани ҳақида хабарлар берилган.
Изоҳ (0)