Жанубий Корея ва АҚШ келаси ҳафтада ҳаво кучларининг мунтазам қўшма ҳарбий машғулотларига старт беришни режалаштирмоқда, деб хабар берди Yonhap ахборот агентлиги хабардор манбага таяниб.
Манбанинг қайд этишича, машғулотлардан мақсад «Шимолий Кореядан бўлаётган ракета таҳдидларига қарши мудофаа позициясини» намойиш этишдир.
Машқлар 9 май куни Жанубий Кореянинг сайланган президенти Юн Сок Йолнинг инаугурация маросими олдидан бошланиши режалаштирилган. Янги президент «куч орқали тинчлик» шиори остида Сеул-Вашингтон хавфсизлик иттифоқини мустаҳкамлашга ваъда берган эди.
Yonhap манбаси манёврларнинг боришига оид тафсилотларни келтирмаган.
Жанубий Корея ва АҚШ Шимолий Корея 24 март куни қитъалараро баллистик ракетани синовдан ўтказганидан сўнг саъй-ҳаракатларни мувофиқлаштиришни кучайтиришга келишиб олган эди, деб ёзади Yonhap.
Изоҳ (0)