«Реал» бош мураббийи Карло Анчелотти Чемпионлар Лигаси ярим финал жавоб баҳси доирасида «Манчестер Сити»га қарши кечадиган ўйин олдидан ўз фикрларини билдириб ўтди.
«Реал»нинг камбэк қила олиши ҳақида«Реал» ва «Манчестер Сити» ўртасидаги Чемпионлар Лигаси ярим финал жавоб ўйини 4 майдан 5 майга ўтар кечаси 00:00 да бошланади. Жамоалар ўртасидаги дастлабки ўйинда «шаҳарликлар» 4:3 ҳисобида ғалаба қозонган.Қийин бўлади, аммо бизда яна бир финал ўтказиш учун ажойиб имконият бор. Ла Лигада чемпион бўлганимиздан сўнг муҳит жуда яхши, шунинг учун буни уддалай оламиз.
Индивидуал ва жамоавий томондан бир-бирини такрорламайдиган юқори даражали икки жамоа тўқнаш келади.
Чемпионлар Лигаси ярим финалига чиқишга фақатгина руҳият кучлилиги сабаб бўлмайди, гарчи индивидуаллик муҳим жиҳат бўлиб, у сизга ўз фазилатларингизни кўрсатишга ёрдам берса ҳам.
Бунга жуда кўп муҳим жиҳатлар сабаб: индивидуал сифатлар, жамоавий фидойилик. Ушбу жиҳатларнинг барчаси лозим, бу учун битта Чемпионлар Лигаси етарли бўлмайди.
Ярим финалда ғалаба қозониш нафақат руҳият кучлилиги, балки импулс масаласи ҳамдир, бу борада «Бернабеу» ҳар доим ёрдам беради.
Карим Бензема «Олтин тўп»ни қўлга киритиши ҳақида
Каримга ниманидир ўргатиш ёки йўналтириш керак эмас. Ундан шунчаки фойдаланиш зарур. У ўзига ўзи мураббий, чунки Бензема ажойиб профессионал, камтарин инсон ва яхши футболчи.
Бензема биз учун жуда кўп ўйинларда ғалаба қозонди, жорий мавсумда керакли натижалар билан таъминлай олди. Ҳозир у дунёнинг энг машҳур футболчиларидан бири, лекин шу ўринда камтаринликни ҳам сақлай олади. Менимча, бу унинг кучли жиҳати.
У «Олтин тўп»ни қўлга киритади. Аммо Карим нафақат ўзи туфайли ғалаба қозонади, бунинг ортида кучли клубнинг кучли тизими ётибди.
Карло Анчелотти, «Реал» бош мураббийи
Изоҳ (0)