“Real” bosh murabbiyi Karlo Anchelotti Chempionlar Ligasi yarim final javob bahsi doirasida “Manchester Siti”ga qarshi kechadigan o‘yin oldidan o‘z fikrlarini bildirib o‘tdi.
“Real”ning kambek qila olishi haqida“Real” va “Manchester Siti” o‘rtasidagi Chempionlar Ligasi yarim final javob o‘yini 4-maydan 5-mayga o‘tar kechasi 00:00 da boshlanadi. Jamoalar o‘rtasidagi dastlabki o‘yinda “shaharliklar” 4:3 hisobida g‘alaba qozongan.Qiyin bo‘ladi, ammo bizda yana bir final o‘tkazish uchun ajoyib imkoniyat bor. La Ligada chempion bo‘lganimizdan so‘ng muhit juda yaxshi, shuning uchun buni uddalay olamiz.
Individual va jamoaviy tomondan bir-birini takrorlamaydigan yuqori darajali ikki jamoa to‘qnash keladi.
Chempionlar Ligasi yarim finaliga chiqishga faqatgina ruhiyat kuchliligi sabab bo‘lmaydi, garchi individuallik muhim jihat bo‘lib, u sizga o‘z fazilatlaringizni ko‘rsatishga yordam bersa ham.
Bunga juda ko‘p muhim jihatlar sabab: individual sifatlar, jamoaviy fidoyilik. Ushbu jihatlarning barchasi lozim, bu uchun bitta Chempionlar Ligasi yetarli bo‘lmaydi.
Yarim finalda g‘alaba qozonish nafaqat ruhiyat kuchliligi, balki impuls masalasi hamdir, bu borada “Bernabeu” har doim yordam beradi.
Karim Benzema “Oltin to‘p”ni qo‘lga kiritishi haqida
Karimga nimanidir o‘rgatish yoki yo‘naltirish kerak emas. Undan shunchaki foydalanish zarur. U o‘ziga o‘zi murabbiy, chunki Benzema ajoyib professional, kamtarin inson va yaxshi futbolchi.
Benzema biz uchun juda ko‘p o‘yinlarda g‘alaba qozondi, joriy mavsumda kerakli natijalar bilan ta’minlay oldi. Hozir u dunyoning eng mashhur futbolchilaridan biri, lekin shu o‘rinda kamtarinlikni ham saqlay oladi. Menimcha, bu uning kuchli jihati.
U “Oltin to‘p”ni qo‘lga kiritadi. Ammo Karim nafaqat o‘zi tufayli g‘alaba qozonadi, buning ortida kuchli klubning kuchli tizimi yotibdi.
Karlo Anchelotti, “Real” bosh murabbiyi
Izoh (0)