Janubiy Koreya va AQSH kelasi haftada havo kuchlarining muntazam qo‘shma harbiy mashg‘ulotlariga start berishni rejalashtirmoqda, deb xabar berdi Yonhap axborot agentligi xabardor manbaga tayanib.
Manbaning qayd etishicha, mashg‘ulotlardan maqsad “Shimoliy Koreyadan bo‘layotgan raketa tahdidlariga qarshi mudofaa pozitsiyasini” namoyish etishdir.
Mashqlar 9-may kuni Janubiy Koreyaning saylangan prezidenti Yun Sok Yolning inauguratsiya marosimi oldidan boshlanishi rejalashtirilgan. Yangi prezident “kuch orqali tinchlik” shiori ostida Seul-Vashington xavfsizlik ittifoqini mustahkamlashga va’da bergan edi.
Yonhap manbasi manyovrlarning borishiga oid tafsilotlarni keltirmagan.
Janubiy Koreya va AQSH Shimoliy Koreya 24-mart kuni qit’alararo ballistik raketani sinovdan o‘tkazganidan so‘ng sa’y-harakatlarni muvofiqlashtirishni kuchaytirishga kelishib olgan edi, deb yozadi Yonhap.
Izoh (0)