Бир-бирига ўхшашлиги билан ашаддий мухлисларини ҳам лол қолдирадиган жаҳон юлдузлари (фото)

Пенелопа Круз 2022 йил 28 апрель куни 48 ёшни қарши олди. Уни кўпчилик актриса Салма Ҳаекдан фарқлай олмайди. Машҳур актрисаларга қараб, уларнинг қон ришталари бир-бирига боғланмаганига ишониш қийин. Grazia нашри бир-бирига ўхшашлиги билан мухлисларни ҳам ўйлантириб қўядиган юлдузлардан бир нечтасини ҳавола қилди.

Пенелопа Круз ва Салма Ҳаек

Пенелопа Круз ва Салма Ҳаекни кўпинча опа-сингиллар деб билишади. Ажабланарлиси шундаки, актрисаларни қариндошлик муносабатлари боғламайди, аммо улар 20 йилдан ортиқ вақт давомида дўст бўлиб келмоқда. Улар «Уддабуронлар» фильмининг суратга олиш майдончасида учрашишган. Уларнинг маданияти боғланган — иккаласи ҳам испан тилида сўзлашади. Шунингдек, Ҳаек ўзининг ёш ҳамкасбига Голливудда карьерасини бошлашга ёрдам берган. «Аввалига ўзимни жуда ёлғиз ҳис қилдим ва Салма каби дўстона одам билан испан тилида гаплаша олганимдан хурсанд бўлдим», — деди Круз.

Кети Перри ва Зои Дешанел

Кети Перри ва Зои Дешанел ҳам бир-бирига жуда ўхшаш. «Биз Кети билан бутун дунёга танилишдан олдин учрашдик. Албатта, бир-биримизга ўхшашимизни дарҳол пайқадик. Кети жуда ёқимтой қиз ва мен ҳатто бундай ўхшашликдан хурсандман», — деди Зои Дешанел интервьюсида.

Кира Найтли ва Натали Портман

Натали Портман ажойиб актриса Кира Найтлига ўхшашлиги туфайли «Юлдузлар жанги» фильмида унинг эгизаги ролини ўйнади. Ҳатто суратга олиш майдончасида ҳам қизларни кўпинча адаштириб юборишди. Бугунги кунда уларнинг орқасида ўнлаб рамзий роллар бор ва кино мухлислари уларни бир-бирига солиштиришни тўхтатди.

Хавер Бардем ва Жеффри Дин Морган

«Бу жой кексалар учун эмас» фильми юлдузи Хавер Бардем асли испаниялик, унинг ҳамкасби Жеффри Дин Морган эса америкалик. Хавер кўпроқ драматик асарларда рол ўйнаган, Жеффри Дин эса машҳур телесериалларда кўриниш берган. Бу икки актёрнинг ўхшашлиги шунчаки ҳайратланарли кўринадики, уларнинг қариндошлигига шубҳа қилмаслик қийин.

Женнифер Гарнер ва Хилари Суонк

Интервьюларнинг бирида Хилари Суонк Женнифер Гарнер билан доимо адаштириб туришларини айтиб ўтган. «Яқинда бир одам кўчада олдимга келиб, «Даллас харидорлар клуби» фильмидаги ролимни ёқтиришини айтди. Аммо мен у картинада ўйнамаганман, бу Женнифер эди!» — дейди юлдуз.

Крис Пайн ва Иан Сомерхолдер

Голливуднинг иккита келишган юлдузларни ҳам кино ихлосмандлари баъзида чалкаштириб юборишади. Афсуски, жиддий роллар сони бўйича Сомерхолдер ўз ҳамкасбидан ортда, «Вампир кундаликлари» юлдузи эса ҳали олдинда.

Марго Робби ва Жейми Прессли

Агар Жейми Пресслининг 10-15 йил олдин олинган суратларига эътибор қаратилса, ҳайрон бўлмай иложи йўқ, чунки унинг худди Марго Роббига ўхшашлигини кўриш мумкин! Актрисалар шунчаки ҳайратланарли даражада ўхшаш: бир хил юз ва қош шакли, кўзлар ва сочлар.

Зои Салдана ва Тенди Нютон

Интервьюлардан бирида Зои Салдана ҳатто онаси ҳам уни актриса Тенди Нютон билан адаштиришини очиқ тан олди. Яқинда онам менга: «Сенинг сериалинг HBO’дан узатиладими?» Мен онамдан қайси бирилигини сўрадим: «Ёввойи ғарб дунёси!» «Бу сериалда мен эмас, Тенди ўйнаяётган эди», — дейди Зои журналистларга.