Киногигантлар: Голливуднинг энг бўйи баланд актёрлари (фото)

Голливуд юлдузлари орасида ҳақиқатан улканлиги билан машҳур бўлган актёрлар билан танишинг.

Питер Мехю, 2 метр 21 см

Питер 1976 йилда «Синбад ва йўлбарс кўзи» фильмида Минотавр ролини ўйнаганидан кейин «Юлдузлар жанги»нинг 4-қисми учун кастингдан ўтди. Қизиғи шундаки, у ҳеч қандай синовсиз Минотавр ролига олинган — продюсерлар унинг суратини газеталардан бирида улкан оёқли одамлар ҳақидаги мақолада кўриб қолишади. Питер Чубак тасвирланган «Юлдузлар жанги» фильми эскизларини кўргач, ўз омадини синаб кўришга қарор қилади. Унинг ролга маъқулланиши учун залга режиссёр Жорж Лукас ва продюсер Гари Куртс кириб келганида ўриндиқдан туриш кифоя эди. Афсонавий актёр 2019 йилда вафот этди.

Бред Гаррет, 2 метр 3 см

Бред баланд бўйи учун эмас, балки ажойиб ҳазил туйғуси туфайли актёр-комедиячи сифатида муваффақият қозонган. Бироқ бўйи ҳам ёрдам бергани аниқ: томошабинлар ҳазилларидан олдин унинг ўзини пайқашади. Фильмларда у асосан турли персонажларга овоз бериб, фақат эпизодларда ўйнаган («Стуарт Литтл-2» фильмида чилангар образи каби).

Дуэйн Жонсон, 1 метр 95 см

Қоя лақаби билан ҳам танилган курашчи ва актёрнинг вазни катта бўлгани учунгина катта юлдуз эмас. Курашчилардан машҳур актёр чиқиши камдан кам учрайдиган ҳолат, лекин Дуэйнга омад кулиб боқди. Чунки 2002 йилда ўзининг биринчи бош роли («Чаёнлар шоҳи» фильмидаги) учун у 5,5 миллион доллар олди ва Гиннеснинг рекордлар китобига киритилди. Рекорд ҳалигача янгиланмаган ва Дуэйн муваффақиятли фильмларда роль ўйнашда давом этмоқда – «Форсаж-7»нинг ўзи бутун дунё бўйлаб 1,5 миллиард доллар тўплаган.

Арми Ҳаммер, 1 метр 95 см

Арми «Ёлғиз Рейнжер» фильмининг премьерасида Жонни Деппдан деярли 20 сантиметр баланд эди. Интервьюда миллиардер Арманд Хаммернинг вориси унинг бўйи фаолиятининг дастлабки босқичида роль ўйнашига тўсқинлик қилганини айтади: «Узоқ вақт давомида бўйим сабабли роль ололмадим — ўсмир ролини ўйнаш учун жуда новчалик қилар эдим».

Винс Вон, 1 метр 95 см

Винснинг бўйи унинг карьерасига ҳал қилувчи таъсир ўтказмаган, аммо «Тўрт Рождество» фильмидаги актриса Риз Уизерспун (1 метр 55 см) билан дуэти жуда эсда қоларли чиққан. Шу билан бирга, актёр «Америкача ажралиш» фильмида Женнифер Энистон (1 метр 65 см) билан жуфтлик ролини ўйнаган.

Ричард Кил 2 метр 18 см

Актёр 70 йилларнинг охирларида Бонд ҳақидаги иккита («Мени севган айғоқчи» ва «Ой пойгачиси») фильмларидаги Жағ исмли ёвуз қаҳрамон роли туфайли машҳур бўлган.

Майкл Кларк Дункан 1 метр 96 см

Бўйи баландлиги туфайли Дункан «Яшил миля« фильмида роль ижро этган. Бу роль чинакамига омад келтирди: Голливуд юлдузлари қўриқчиси бўлиб ишлаган Майкл фильм экранларга чиққандан сўнг машҳур бўлиб кетди, ҳатто «Олтин глобус» ва «Оскар» мукофотларига номзод бўлди.

Тейлер Перри 1 метр 95 см

2011 йилда Forbes журнали уни йиллик даромади 130 миллион доллар бўлган оммавий ўйин-кулги соҳасининг энг бой одами деб топди.