Bir necha yillik tanaffusdan so‘ng yana ekranlarga qaytgan jahon kinosi yulduzlari (foto)

Mashhurlik va shon-shuhratga erishish juda qiyin, lekin ba’zida shu cho‘qqida qolish yanada qiyinroq. Darhaqiqat, juda tez o‘zgarib turadigan zamonaviy dunyoda aktyor birdaniga unutilib ketmaslik uchun doimo omma e’tiborida bo‘lishi muhim.

Vaynona Rayder

Uning aktrisa sifatidagi karyerasining avji 80-90-yillarning oxiriga to‘g‘ri keldi. Vaynona birin-ketin bosh rollarni ijro etdi, “Bitljuz”, “Xavfli qiziqish” va “Edvard — qaychiqo‘l” kabi mashhur loyihalarda rol o‘ynadi. Biroq 2001-yilda uning muvaffaqiyati pasayishni boshladi, go‘yo aktrisa aktyorlik karyerasidan tanaffus qilganga o‘xshaydi.

Ammo 4-mavsumi 2022-yil may oyida chiqishi kerak bo‘lgan “G‘aroyib ish” seriali ekranlarda paydo bo‘lishi bilan yana diqqat markazda bo‘ldi.

 Eddi Merfi

Eddining stendap komediyachi sifatidagi faoliyati 19 yoshida boshlangan. Keyin katta ekrandagi debyut filmi 80-yillardagi “48 soat”da rol ijro etdi, undan keyin yana ko‘plab ajoyib rollarni o‘ynadi. Karyerasidagi pasayish 2011-yilda boshlandi. Ma’lum bo‘lishicha, tanaffus e’lon qilishi haqoratli mukofotlar va “Oltin malina” nominatsiyalarini ko‘proq olayotgani va bu uning ishiga yondashuvini qayta ko‘rib chiqishga arzigulik belgi deb hisoblagani bilan bog‘liq.

Merfining kino sanoatiga katta qaytishi 2019-yil oktabr oyida u “Mening ismim Dolomeyt” filmida stendap komediyachi Rudi Rey Mur rolida o‘z aksini topdi. Film tanqidchilarning katta e’tirofiga sazovor bo‘ldi va o‘z navbatida, aktyor “Oltin globus” mukofotiga nomzod bo‘ldi.

Chenning Tatum

Bundan 10 yil oldin Chenning hammaning og‘zidan tushmasdi, uning filmografiyasi birin-ketin muvaffaqiyatli filmlar bilan boyidi. Keyinchalik vaqt o‘tishi bilan mashhur loyihalar soni kamaydi, rollari asosan epizodik bo‘lib qoldi.

Ammo 2022-yilda aktyor yana e’tirofga sazovor bo‘ldi. Birinchidan, tanqidchilar tomonidan iliq kutib olingan “Lulu va Briggs” komediya-drama filmi chiqdi. Unda u nafaqat bosh rolda, balki rejissorlardan biri sifatida ham ishtirok etgan. Keyingi omadli film esa bosh rollarni Sandra Bullok bilan o‘ynagan “Yo‘qolgan shahar” sarguzasht filmi bo‘ldi.

Ben Afflek

Afflekning karyerasi ko‘tarilish va pasayishlarga boy. Dastlab aktyor “Aqlli Uill Hanting” va “Armageddon” kabi filmlari tufayli tezda mashhurlikka erishdi. Ammo keyin bir qator muvaffaqiyatsizliklar sodir bo‘ldi. Keyinchalik u o‘zini “Shahar” va “Oskar” olib kelgan “Argo” filmlarida rejissor sifatida sinab ko‘rdi va obro‘sini tiklab oldi. Ammo yana omadsizliklar boshlandi.

Taqdirning sinovlariga qaramay, Afflek taslim bo‘lmadi va asta-sekin faoliyatida davom etmoqda. Masalan, “So‘nggi duel” tarixiy dramasi va Jorj Klunining 2021-yilda namoyish etilgan “Nafis bar” filmi kabi e’tiborga molik loyihalardan biri hisoblanadi.

Jan-Klod Van Damm

Van Damm o‘zining birinchi to‘laqonli rolini “Taslim bo‘lmaslik” filmida ijro etdi va bu uning karyerasidagi 80-yillarning oxiri va 90-yillarining to‘xtovsiz xitlari uchun boshlang‘ich nuqta edi. Keyinchalik karyerasida pasayish kuzatila boshladi. 2000-yillardagi ko‘plab filmlari endi avvalgidek omma e’tiborini tortmay qo‘ydi.

Ammo 2021-yilga kelib, aktyor ekranga qaytdi. Prognozlarga ko‘ra, 2022-yilda uning ismi eng yuqori daromad keltiruvchi filmlardan biriga aylanishi kerak bo‘lgan kartina bilan birgalikda yangrashi kafolatlanmoqda. Gap “Minionlar: Gruvitatsiya” multfilmi haqida ketmoqda, unda aktyor bosh qahramonlardan biriga ovoz beradi.

Dryu Berrimor

Dryu Berrimor birinchi marta 7 yoshida “O‘zga sayyoralik” filmida ekranga chiqdi. Shon-shuhratining cho‘qqisi 90-yillarga to‘g‘ri keldi va 2000-yillarning boshlarida bir qator xitlar davom etdi, keyin esa asta-sekin so‘na boshladi.

Ammo 2017-yildan boshlab Berrimor yana o‘z omadini topib, “Santa Klarita parhezi” komediya serialining yulduziga aylandi. Bundan tashqari, u mualliflik tok-shousida boshlovchilik faoliyatini ham olib boradi.

Kemeron Dias

Kemeron 1994-yilda eng ko‘p daromad keltirgan filmlar o‘nligiga kirgan va uni haqiqiy yulduzga aylantirgan “Niqob” filmidan so‘ng mashhur bo‘lib ketdi.

Biroq 2012-yildan boshlab, aktrisa karyerasida bir qator muvaffaqiyatsizliklar boshlandi. Deyarli barcha filmlari, ayniqsa “Enni” kartinasi juda salbiy izohlarga ega bo‘ldi, shundan so‘ng aktrisa kinodan ketishini e’lon qildi.

Biroq tez orada “Shrek-5” multfilmida aktrisaning ovozini eshitish mumkin bo‘lar balki. Aktrisa franshizaning oldingi qismlarida malika Fionaga ovoz bergan. Ehtimol prodyuser Kris Meledandri aktrisadan bu safar ham malikani jonlantirib berishini so‘rar.