Sputnik Afganistan Ўзбекистонга тегишли учувчисиз бошқариладиган учиш аппаратлари Афғонистон ҳаво маконини бузиб ўтгани ҳақида хабар тарқатди. Мудофаа вазирлиги ҳолатга муносабат билдирди.
Қайд этилишича, бу каби тарқатилаётган хабарлар ҳақиқатга мутлақо тўғри келмайди. Ўзбекистон Ҳарбий ҳаво кучлари томонидан қўшни давлатлар ҳаво маконини бузиш ҳолатлари бўлмаган.
Шунингдек, Ўзбекистон Ҳаво ҳужумидан мудофаа қўшинлари қўшни давлатлар авиацияси томонидан мамлакат ҳаво маконининг бузилиш ҳолатларини қайд этмаган.
«Мудофаа вазирлигининг учувчисиз бошқариладиган, қирувчи ва ишғол авиацияси қатъий белгиланган тартибда жанговар навбатчилик ўтамоқда», — дейилади хабарда.
Аввалроқ Термиз шаҳри атрофида Ўзбекистон ҳарбийлари Афғонистон ҳудудидан ракеталар билан ўққа тутилгани тўғрисида хабарлар тарқалганди. Президент матбуот котиби Шерзод Асадов ҳолатга муносабат билдириб, хабарлар ҳақиқатга мутлақо тўғри келмаслигини маълум қилган.
Эслатиб ўтамиз, 30 апрель куни Ўзбекистон Рамазон муносабати билан Афғонистонга 58 та вагондан иборат поездда инсонпарварлик ёрдамини жўнатди.
Изоҳ (0)