«Азовсталь»га зарбалар бериш тўхтамаяпти. Донбассда ҳалок бўлган тинч аҳоли вакиллари дафн қилинмоқда. Урушнинг 65-кунидан фоторепортаж
29 апрель куни Украинадаги урушнинг олтмиш бешинчи куни якунига етди. Украина қуролли кучлари Донецк йўналишида ўз позицияларига зарбалар берилганини маълум қилди. Киевда Россия ракета зарбаси оқибатида «Радио Свобода» Украина бўлинмасининг журналисти Вера Гирич ҳалок бўлди. Брянск вилояти губернатори чегара яқинидаги қишлоқ миномётлардан ўққа тутилганини хабар қилган. Россия ташқи ишлар вазири Сергей Лавров ОАВга катта интервью берди ва унда Россия–Украина музокаралари ҳар куни давом этаётгани, уларда санкцияларни бекор қилиш масалалари муҳокама этилаётганини таъкидлади. Meduza томонидан тақдим этилган 29 апрелнинг асосий фотосуратлари билан қуйида танишиш мумкин.
Мариупол
«Азовсталь» металлургия заводига ҳаводан зарбалар берилиши давом этмоқда. 21 апрелда Россия президенти Владимир Путин саноат ишлаб чиқариш ҳудудига штурм уюштиришни бекор қилган, аммо мазкур зона мамлакатдан узилиб қолган ва унинг қамали давом этяпти. Заводда нафақат ҳарбийлар, балки тинч аҳоли вакиллари ҳам жон сақлаяпти ва яшириниб ҳаёт кечирмоқда.Фото: EPA
Мариуполда яшовчи фуқаро ракета зарбаларидан зиён кўрган бино ёнида турибди. Уй мебелларининг бир қисми кўчаларда ётибди.Фото: Reuters
Маҳаллий аҳоли Россия ракета зарбаларини берганидан кейин зарар кўрган уй вайроналарини тозаламоқдаФото: EPA
Молотов коктейли қўлбола портлаш воситасини Россия танкига қандай отиш кераклиги тушунтирилган баннер.Фото: AFP
Запорожьенинг ҳаво ҳужумидан кейинги ҳолати. Юқоридан олинган сурат.Фото: AFP
Киев ва Киев вилояти
Киев яқинида жойлашган ҳудудда вайрон қилинган кўп қаватли уй.Фото: Reuters
Россия ракета зарбаларидан кейин одамлар дераза ойналарини пластик пардалар (целлофан) билан ёпишга тайёрланмоқда.Фото: Scanpix
Вино дўконининг эгаси портлашдан кейинги талафотларни баҳоламоқда. Бир кун аввал Россия Владимир Зеленский БМТ бош котиби Антониу Гуттериш билан учрашувидан кейин Украина пойтахтига авиазарбалар йўллаганди.Фото: AP Photo
Донбасс шимоли
Шимолий Донецк дарёсидаги темир йўл кўприги. Кўприк Украина кучлари берган зарбалар оқибатида вайрон бўлган. Ҳаво зарба берилган вақтда кўприкда Россиянинг юк поезди бўлган.Фото: AFP
Украина аскари Краматорскдаги савдо марказидан чиқмоқда.Фото: Reuters
Изоҳ (0)