“Azovstal”ga zarbalar berish to‘xtamayapti. Donbassda halok bo‘lgan tinch aholi vakillari dafn qilinmoqda. Urushning 65-kunidan fotoreportaj
29-aprel kuni Ukrainadagi urushning oltmish beshinchi kuni yakuniga yetdi. Ukraina qurolli kuchlari Donetsk yo‘nalishida o‘z pozitsiyalariga zarbalar berilganini ma’lum qildi. Kiyevda Rossiya raketa zarbasi oqibatida “Radio Svoboda” Ukraina bo‘linmasining jurnalisti Vera Girich halok bo‘ldi. Bryansk viloyati gubernatori chegara yaqinidagi qishloq minomyotlardan o‘qqa tutilganini xabar qilgan. Rossiya tashqi ishlar vaziri Sergey Lavrov OAVga katta intervyu berdi va unda Rossiya–Ukraina muzokaralari har kuni davom etayotgani, ularda sanksiyalarni bekor qilish masalalari muhokama etilayotganini ta’kidladi. Meduza tomonidan taqdim etilgan 29-aprelning asosiy fotosuratlari bilan quyida tanishish mumkin.
Mariupol
“Azovstal” metallurgiya zavodiga havodan zarbalar berilishi davom etmoqda. 21-aprelda Rossiya prezidenti Vladimir Putin sanoat ishlab chiqarish hududiga shturm uyushtirishni bekor qilgan, ammo mazkur zona mamlakatdan uzilib qolgan va uning qamali davom etyapti. Zavodda nafaqat harbiylar, balki tinch aholi vakillari ham jon saqlayapti va yashirinib hayot kechirmoqda.Foto: EPA
Mariupolda yashovchi fuqaro raketa zarbalaridan ziyon ko‘rgan bino yonida turibdi. Uy mebellarining bir qismi ko‘chalarda yotibdi.Foto: Reuters
Aholi vakillari va favqulodda xizmatlar xodimlari talafot yetgan avtomobilni siljitishga urinmoqda.Foto: Getty Images
Mahalliy aholi Rossiya raketa zarbalarini berganidan keyin zarar ko‘rgan uy vayronalarini tozalamoqdaFoto: EPA
Molotov kokteyli qo‘lbola portlash vositasini Rossiya tankiga qanday otish kerakligi tushuntirilgan banner.Foto: AFP
Zaporojyening havo hujumidan keyingi holati. Yuqoridan olingan surat.Foto: AFP
Kiyev va Kiyev viloyati
Kiyev yaqinida joylashgan hududda vayron qilingan ko‘p qavatli uy.Foto: Reuters
Rossiya raketa zarbalaridan keyin odamlar deraza oynalarini plastik pardalar (sellofan) bilan yopishga tayyorlanmoqda.Foto: Scanpix
Vino do‘konining egasi portlashdan keyingi talafotlarni baholamoqda. Bir kun avval Rossiya Vladimir Zelenskiy BMT bosh kotibi Antoniu Gutterish bilan uchrashuvidan keyin Ukraina poytaxtiga aviazarbalar yo‘llagandi.Foto: AP Photo
Donbass shimoli
Shimoliy Donetsk daryosidagi temiryo‘l ko‘prigi. Ko‘prik Ukraina kuchlari bergan zarbalar oqibatida vayron bo‘lgan. Havo zarba berilgan vaqtda ko‘prikda Rossiyaning yuk poyezdi bo‘lgan.Foto: AFP
Ukraina askari Kramatorskdagi savdo markazidan chiqmoqda.Foto: Reuters
Ukraina harbiysi pozitsiyada turibdi.Foto: Reuters
Slavyanskdagi yonayotgan ekin maydoni.Foto: AFP
Otishma ostida qolgan Rubijne shahrining halok bo‘lgan tinch aholisining dafn marosimi.Foto: “TASS”
Izoh (0)