Ўзбекистон Республикаси Вазирлар Маҳкамасининг 2022 йил 26 апрелдаги фармойиши асосида, жорий йилнинг 30 апрель куни мамлакатимизда «Маҳалла ободлиги — юрт фаровонлиги» шиори остида умумхалқ хайрия ҳашари ўтказилиши эълон қилинган эди.
Ушбу савобли ташаббус юртимизнинг барча ҳудудларида корхона, ташкилот, идора ва бошқа турли муассасалар томонидан кенг қўллаб-қувватланди. Мустақил Ўзбекистоннинг ободончилиги учун минглаб юртдошларимиз кўнгилли равишда ҳашарга чиқишди.
Хайрия ҳашарида «Ўздонмаҳсулот» акциядорлик компанияси тизимида фаолият олиб бораётган «Андижондонмаҳсулот» акциядорлик жамиятининг ишчи ходимлари ҳам фаол қатнашмоқда.
«Андижондонмаҳсулот» акциядорлик жамияти хўжаликларда етиштирилган дон маҳсулотларини қабул қилиб олиш, сақлаш ва уларни қайта ишлаш натижасида олинган ун ва омихта ем маҳсулотларини вилоят аҳолисига етказиб беришга мўлжалланган. Шунингдек, жамият уруғлик цехларида уруғликларни қайта ишлаб, саралаб, кондиция ҳолига келтириб, экиш учун хўжаликларга тарқатиш йўлга қўйилган.
Жамиятнинг таркибида Олтинкўл, Балиқчи, Избоскан ва Пахтаобод туманларида дон қабул қилиш шохобчалари, Андижон шаҳрида нон маҳсулотлари ишлаб чиқариш корхонаси фаолият кўрсатмоқда. Акциядорлик жамиятида ҳозирда 400 нафарга яқин ишчи ходимлар меҳнат қилади. Шунингдек, дон қабул қилиш ва уруғлик буғдой тайёрлаш мавсуми давомида 300 нафарга яқин мавсумий ишчи ходимлар иш билан таъминланади.
Бугун эрта тонгдан жамият ишчи ходимлари Андижон шаҳрининг дон маҳсулоти корхонаси жойлашган Амир Темур шоҳ кўчаси ва Чинобод кўчалари ҳудудларида, барча корхона ва дон қабул қилиш шохобчаларида ҳашар уюштирдилар.
Хусусан, вилоятда «Яшил макон» лойиҳаси асосида барпо этилган боғ-роғларда тозалаш, ободонлаштириш ишлари олиб борилди. Кўчалар, ариқлар чиқиндилардан, гулзорлар, йўлкалар бегона ўтлардан тозаланди, дарахтларга шакл берилиб, оҳак билан оқланди.
Реклама ҳуқуқи асосида.
Изоҳ (0)