Олий таълим муассасаларининг нуфузли халқаро рейтинги ҳисобланган Times Higher Education ўзининг 2022 йил учун рейтинг (The Impact Rankings 2022) натижаларини эълон қилди, деб хабар беради Олий ва ўрта махсус таълим вазирлиги.
Ўзбекистоннинг 30 та олий таълим муассасаси ушбу рейтингдан илк бор ўрин эгаллаган. Рейтингдан ўрин олган Ўзбекистон ОТМлари қаторида Тошкент давлат аграр университети, Тошкент давлат юридик университети, Тошкент тиббиёт академияси, Тошкент молия институти, Қорақалпоқ давлат университети, Андижон машинасозлик институти, Самарқанд давлат тиббиёт университети, Akfa университети ҳам бор.
Маълумот учун, 2021 йилда ушбу рейтингга 10 та олий таълим муассасаси кирган эди. Ўтган йили ушбу рейтингда 94 та давлатдан 1000 га яқин олий таълим муассасалари иштирок этган бўлса, 2022 йилда 110 та давлатдан 1500 дан ортиқ олий таълим муассасалари қатнашган.
Эслатиб ўтамиз, 2019 йилнинг октябрида президент Шавкат Мирзиёев 2030 йилгача олий таълим тизимини ривожлантириш концепциясини тасдиқловчи қарорга имзо чеккан эди. Унга кўра, Ўзбекистон Миллий университети ва Самарқанд давлат университетини илғор университетларга айлантириш ва улардаги таълим даражасини дунёнинг 500 та энг яхши университетлари қаторига қўшиш режалаштирилган.
Изоҳ (0)