Ўзбекистон Молия вазирлиги чораклик ва йиллик молиявий ҳисоботларни тақдим этиш муддатлари тўғрисидаги низом лойиҳасини тайёрлаб, унинг муҳокамасини ўтказмоқда. Бу ҳақда вазирлик матбуот хизмати хабар берди.
«Бухгалтерия ҳисоби тўғрисида»ги қонунга асосан молиявий ҳисоботни тақдим этиш муддатлари Молия вазирлиги томонидан белгиланади. Бугунги кунда «Чораклик ва йиллик молиявий ҳисобот тақдим этиш муддатлари тўғрисидаги низомни тасдиқлаш ҳақида»ги молия вазирининг буйруғи лойиҳаси ишлаб чиқилиб, манфаатдор вазирлик, идора ва жамоат бирлашмалари билан келишиш учун йўлланган.
Мазкур буйруқ лойиҳаси билан молиявий ҳисоботни давлат органларига тақдим этиш муддатлари белгиланмоқда. Бунда молиявий ҳисоботни тайёрлаш даврийлиги ва тузиш муддатлари тадбиркорлик субъектлари томонидан мустақил белгиланади.
Буйруқ лойиҳаси билан молиявий ҳисобот тақдим этиш муддатлари қайта кўриб чиқилиб, узайтирилмоқда.
Бухгалтерия ҳисобининг миллий стандартлари асосида молиявий ҳисобот тайёрлайдиган тадбиркорлик субъектлари томонидан молиявий ҳисобот тақдим этишнинг қуйидаги муддатлари белгиланмоқда:
- йиллик ҳисобот учун — ҳисобот йилидан кейинги йилнинг 1 апрелидан кечиктирмай;
- чораклик ҳисобот учун — ҳисобот чораги тугагандан кейин 40 (қирқ) кун мобайнида.
- йиллик ҳисобот учун — ҳисобот йилидан кейинги йилнинг 15 июнидан кечиктирмай;
- чораклик ҳисобот учун — 2023 йилдан бошлаб, ҳисобот чораги тугагандан кейин 40 (қирқ) кун мобайнида.
Шунингдек, мазкур буйруқ лойиҳаси билан амалда бўлган Чораклик ва йиллик молиявий ҳисоботни тақдим этиш муддатлари тўғрисидаги низом ўз кучини йўқотиши белгиланмоқда.
Ҳужжат лойиҳаси билан қуйидаги ҳавола орқали танишишингиз мумкин. Лойиҳа бўйича фикр-мулоҳазалар ifrs@mf.uz электрон почта манзили орқали қабул қилинади.
Изоҳ (0)