Андижон вилояти Андижон туманида 28 апрель куни бошқарувни йўқотган Nexia ағанади. Бу ҳақда Йўл ҳаракати хавфсизлиги хизмати хабар қилди.
Қайд этилишича, йўл-транспорт ҳодисаси шу куни соат 17:00 ларда туман ҳудудидан ўтувчи А-373 автомобиль йўлининг 339-километрида содир бўлган. Ҳайдовчи М.Х. (2002 йилда туғилган) Nexia автомобилида ҳаракатланаётиб, бошқарувни йўқотган. Оқибатда транспорт воситаси ағдарилган.
ЙТҲда тан жароҳати олган фуқаролар йўқ.
Ҳолат юзасидан суриштирув ҳаракатлари олиб борилмоқда.