Россиянинг Rostec корпорациясига тегишли «Швабе» холдинги Ўзбекистоннинг Tech Age компанияси билан шартнома тузди. Томонлар биргаликда Ўзбекистон шаҳар инфратузилмасига интеллектуал транспорт тизимларини (ИТТ) жорий этишни режалаштирмоқда.
Rostec ва Tech Age ўртасидаги ҳамкорликнинг асосий йўналишлари Ўзбекистон шаҳарлари кўчаларида ИТТни ривожлантириш, «Хавфсиз шаҳар» технологияларидан фойдаланган ҳолда ситуацион марказларни яратишдан иборат бўлади.
Тошкентдаги «Иннопром» корхонасида тегишли келишувни «Швабе» компанияси бош директорининг маркетинг ва хизмат кўрсатиш бўйича ўринбосари Сергей Дмитроченко ва Tech Age асосчиси Александр Пак имзолади.
«Швабе» шаҳарларда ҳаёт сифатини яхшилайдиган инфратузилма лойиҳаларини амалга оширади. Холдинг хавфсизлик, ҳаракатни бошқариш, коммунал хизматлар ва бошқа муҳим соҳалар учун «ақлли» технология ва тизимларни жорий қилади. Бу тажриба халқаро ҳамкорларимизни қизиқтиради, — дейди Rostec ижрочи директори Олег Евтушенко.Келишув доирасида транспорт оқимларини оптималлаштириш ва барча йўл ҳаракати қатнашчилари учун замонавий хавфсизлик даражасини таъминлайдиган «йўл хизмати»ни ташкил этиш ҳам режалаштирилган.
Биз арсеналимизда мавжуд бўлган барча тўпланган тажриба ва ресурсларни Ўзбекистон манфаатлари йўлида ИТТ ва шаҳар инфратузилмасини ривожлантириш соҳасида қўллаш ниятидамиз. Шу билан бирга, холдинг бошқа турли лойиҳаларда ҳам кенг қамровли технологик ҳамкор сифатида ҳаракат қилишга тайёр, — деди Сергей Дмитроченко.Tech Age компанияси асосчиси Александр Пак эса Ўзбекистонда инфратузилма лойиҳалари фаол ривожланаётганини, бу ҳамкорлик эса шаҳарлараро транспорт муаммоларини ҳал қилишга ёрдам беришини айтиб ўтди.
Ҳозирда Ўзбекистонга «Швабе» оптика корхоналари томонидан ишлаб чиқарилган кенг турдаги ускуналар импорт қилинади.
Аввалроқ Тошкентга «Меҳнат жасорати шаҳри» мақоми берилиши мумкинлиги ҳақида хабар берилган эди.
Изоҳ (0)