«Диско раққоси» фильми юлдузи Ким Яшпал бугун нималар билан банд? (фото)

«Диско раққоси» узоқ вақтдан бери ҳинд киносининг классикаси бўлиб келган. 1982 йилда суратга олинган ушбу фильм ҳамон завқ билан томоша қилинмоқда. Аммо фильм юлдузи Ким Яшпал узоқ вақтдан бери нега экранларда кўринмай қолди? Cosmopolitan нашри юқоридаги саволларга жавоб беради.

Ким Яшпал дунё бўйлаб ягона роли билан танилган — у 1982 йилда у «Диско раққоси»да Рита ролини ўйнаган.

Ким 1960 йил 3 апрелда туғилган. Унинг отаси ҳинду, онаси эса япон миллатига мансуб. Ким Англияда ўсган бўлса-да, Болливудни забт этиш учун 1974 йилда Ҳиндистонга кўчиб ўтган. Бунинг учун унда кўп имкониятлар мавжуд эди — тилларни билиш, чиройли кўриниш, пластика.

Аммо дарҳол актриса бўлиш, албатта, қийин масала. Ким дастлаб модель сифатида ишлай бошлади, шу орқали у актёр Дэнни Дензонгпа билан танишди. Улар орасидаги муносабатнинг яхшиланиши Яшпалга бошқа нарсалар қатори кино оламига кириб келишига ҳам ёрдам берди.

1980 йилда у «Кечаларнинг бирида» қўрқинчли фильмида ва бир йилдан сўнг «Тақдир» фильмида рол ўйнади. 1982 йилда «Диско раққоси» фильми намойиш этилди, бу Кимга нафақат Ҳиндистонда, балки чет элда ҳам машҳурлик олиб келди.

Албатта, фильм муваффақиятидан сўнг Яшпалнинг карьерасида ўсиш кузатилиши керак эди. Аммо актрисада бунинг акси юз берди — унинг фаолияти кутилган натижани бермади. Афсуски, шахсий ҳаётида ҳам омадсизликка учраган Ким Дэнни билан 7 йиллик турмушдан кейин ажрашди.

Шундан сўнг актриса қанчалар гўзал бўлмасин, унга фильмлардан таклиф тушмади. Дўсти Митҳун Чакраборти бир муддат Кимга ёрдам берди, лекин у ҳам бахтсиз ҳодисага учрагач, кино саҳнасидан бутунлай чиқиб кетди. Шундай қилиб, Ким 1993 йилда ўзининг сўнгги фильмида рол ўйнади ва актрисалик фаолиятини якунлади.

Бугун Ким 62 ёшда. Унинг ҳаёти ҳақида деярли ҳеч нарса маълум эмас. Айрим манбаларда Яшпалнинг турмуш қургани ва икки қизи борлиги айтилади. Аммо актрисаликдан кейин қайси соҳада фаолият юритаётгани номаълумлигича қолди.