Шавкат Мирзиёев 26 апрель кунги видеоселектор йиғилишида Тошкент шаҳрида хорижий туристларни камида 3 кун олиб қолиш ва «минг долларлик хизматлар пакети»ни тақдим қилиш бўйича алоҳида дастурни амалга ошириш вазифасини қўйди. Бу ҳақда Президент матбуот котиби хабар қилди.
Қайд этилишича, бу орқали пойтахтда қўшимча 1 миллион сайёҳни жалб қилиш имконияти пайдо бўлади. Тошкент шаҳри ҳокимига пойтахтда:
- йил давомида ишлайдиган замонавий аквапарк, аттракцион, сафари гуллар, чироқлар ва бошқа мавзули парклар;
- туну-кун ишлайдиган камида 5 та гастрономик ва савдо кўчалари;
- ресторан ва меҳмонхоналар, жамоат жойларида жонли ижро концертларини йўлга қўйиш;
- очиқ осмонда шоу (дорбозлик, мусиқа ва рақс дастурлари) ва фестиваллар (гуллар, гастрономик, музқаймоқ, опера) ташкил этиш ишларини бошлаш бўйича топшириқ берилган.
Мавзуга доир:
- Ўзбекистондаги ҳар бир вилоятда туристлар учун жозибадор бўлган камида 20 миллион долларлик 1 тадан йирик лойиҳа бошланади
- Шавкат Мирзиёев вилоят ҳокимларининг туризм ишлари бўйича ўринбосарларига 3 ой синов муддати белгилади
- Ўзбекистонда туризм магистрали бўйлаб 31 та шаҳар ва туманларда карвонсаройлар қурилади
Изоҳ (0)