Шавкат Мирзиёев 26 апрель кунги видеоселектор йиғилишида Ўзбекистондаги туристик зоналардан унумли фойдаланилмаётганини танқид қилиб, бир қатор топшириқлар берди. Бу ҳақда президент матбуот котиби хабар қилди.
Қайд этилишича, Боғотнинг «Қалъа-жиқ» ва Элликқалъадаги Ақчакўлда санаторий-курорт ташкил этиш, Бухорода «Қадимий Бухоро» ва «Ўнинчи аср этноқишлоғи», Наманганда «Oazis», Сирдарёда «Сирдарё экотуризм», Тошкент вилоятида «Гарден» туризм кластерлари ва Фарғонада «Фарғона парки» тематик боғини ташкил этиш бўйича йирик лойиҳаларни бошлаш кераклиги айтилган. Вилоят ҳокимларига бир ой муддатда ушбу лойиҳаларни амалга ошириш учун ҳудудларни белгилаб, салоҳиятли инвесторларни аниқлаш ва амалий ишларни бошлаш топширилган.
Жорий йилда Ўзбекистон туризм магистрали бўйлаб 31 та туман (шаҳар) ҳудудидан ўтувчи йўл бўйида комплекс туризм хизматларини (автотураргоҳ, кемпинг, автосервис, овқатланиш, ёнилғи қуйиш) қамраб олган 1 тадан карвонсарой барпо этиш вазифаси қўйилган.
Бундай лойиҳаларга бир ой муддатда 1 триллион сўм кредит ресурслари ажратилади, йил якунига қадар яна 100 миллион доллар жалб қилинади. Вилоят ҳокимлари ҳам камида 20 миллион долларлик лойиҳаларни ишга туриши шартлиги кўрсатиб ўтилган.
Мавзуга доир:
- Ўзбекистондаги ҳар бир вилоятда туристлар учун жозибадор бўлган камида 20 миллион долларлик 1 тадан йирик лойиҳа бошланади
- Шавкат Мирзиёев вилоят ҳокимларининг туризм ишлари бўйича ўринбосарларига 3 ой синов муддати белгилади
- Ўзбекистонда Чорвоққа ўхшаш чўмилиш зоналари кўпайтириш кераклиги таъкидланди
Изоҳ (0)