Қорақалпоғистонда Амударё кўпригидан сакраб, ўз жонига қасд қилмоқчи бўлган фуқаронинг ҳаёти сақлаб қолинди. Бу ҳақда «Ёшлар» телеканалининг «Янги давр» информацион дастурида маълум қилинди.
Маълум қилинишича, Амударё тумани «Қипчоқ» овул фуқаролар йиғинидаги Қипчоқ—Амударё ўтиш пантом кўпригидан 45 ёшли аёл қасддан ўзини сувга ташлаган. Тоифаланган ҳудудда ўз хизмат вазифасини бажараётган Миллий гвардия ходими аёлни сувдан қутқариб чиқиб, тез тиббий ёрдамга қўнғироқ қилган.
Аниқланишича, аёл жиддий жароҳат олмаган, ҳозирда у билан психолог мутахассислар шуғулланмоқда.
Бундан олдин Наманганда 4 ёшли боласини ўзига боғлаб сувга сакраган аёл қутқариб олингани, Нукусда ўзини каналга ташлаган 21 ёшли қизни Миллий гвардия ходимлари қутқариб қолгани тўғрисида хабар берилганди.
Изоҳ (0)