Қирғизистон ва Швециянинг Ўзбекистондаги янги элчиларидан ишонч ёрлиқларининг нусхалари қабул қилинди. Бу ҳақда ТИВ матбуот хизмати хабар берди.
Маълум қилинишича, 25 апрель куни Ўзбекистон ташқи ишлар вазири ўринбосари Владимир Норов Қирғизистон элчиси этиб тайинланган Муса Жаманбаевдан ишонч ёрлиқларининг нусхаларини қабул қилди ва уни масъулиятли лавозимга тайинлангани билан табриклаб, дипломатик миссиясини амалга оширишда муваффақиятлар тилади.
Суҳбат чоғида Ўзбекистон—Қирғизистон яхши қўшничилик ва стратегик шериклик муносабатларининг долзарб масалалари кўриб чиқилди. Томонларнинг сиёсий, савдо-иқтисодий, транспорт, энергетика ва маданий-гуманитар соҳаларда алоқаларни янада жадаллаштиришга тайёрлиги таъкидланди.
Илгари эришилган келишувлар ижроси, шунингдек, олий, юқори ва минтақалараро даражалардаги бўлажак тадбирлар жадвали кўриб чиқилди. БМТ, МДҲ, ШҲТ, Ислом ҳамкорлик ташкилоти, Туркий давлатлар ташкилоти ва бошқа халқаро тузилмалар доирасида ҳамкорликни давом эттиришга келишиб олинди.
Эслатиб ўтамиз, 2018 йилнинг декабридан буён Қирғизистон элчихонасига раҳбарлик қилган Ибраҳим Жунусов 2021 йил декабрида лавозимдан олинган эди.
Мавзуга доир: Шавкат Мирзиёев май охирларида Қирғизистонга боради
Суҳбат чоғида Ўзбекистон—Швеция кун тартиби ҳамда халқаро ташкилотлар доирасидаги ҳамкорликнинг долзарб масалалари муҳокама қилинган, сиёсий-дипломатик, савдо-иқтисодий, инвестициявий ва томонларни қизиқтирган бошқа соҳаларда ўзаро манфаатли алоқаларни фаоллаштириш бўйича таклифлар кўриб чиқилган.
Томас Данестад 2016 йилдан буён элчилик қилган Ингрид Терсман ўрнини эгаллади.
Изоҳ (0)