Англия Премьер Лигасининг энг кўп маош олувчи футболчилари рўйхати эълон қилинди.
Унга кўра, «Манчестер Юнайтед» ҳужумчиси Криштиану Роналду АПЛнинг энг кўп маош олувчи футболчиси ҳисобланади. Португалиялик футболчи йилига 31,4 миллион евро маош олади.
Рейтингда иккинчи ўринни «Манчестер Сити» ярим ҳимоячиси Кевин де Брюйне эгаллаган. Бельгияликнинг маоши йилига 24,3 миллион евро. Учинчи ўринда «қизил иблислар» дарвозабони Давид де Хеа қайд этилган. Посбон манкунианликлар сафида йилига 22,84 миллион евро маош олади.
Рўйхатнинг тўртинчи ва бешинчи ўринларида ҳам «Манчестер Юнайтед» футболчилари жой олган. Ҳужумчи Жейдон Санчо йилига 21,4 миллион евро олса, ҳимоячи Рафаэл Варан 18,6 миллион евро ишлаб топади.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)