“Disko raqqosi” filmi yulduzi Kim Yashpal bugun nimalar bilan band? (foto)

“Disko raqqosi” uzoq vaqtdan beri hind kinosining klassikasi bo‘lib kelgan. 1982-yilda suratga olingan ushbu film hamon zavq bilan tomosha qilinmoqda. Ammo film yulduzi Kim Yashpal uzoq vaqtdan beri nega ekranlarda ko‘rinmay qoldi? Cosmopolitan nashri yuqoridagi savollarga javob beradi.

Kim Yashpal dunyo bo‘ylab yagona roli bilan tanilgan — u 1982-yilda u “Disko raqqosi”da Rita rolini o‘ynagan.

Kim 1960-yil 3-aprelda tug‘ilgan. Uning otasi hindu, onasi esa yapon millatiga mansub. Kim Angliyada o‘sgan bo‘lsa-da, Bollivudni zabt etish uchun 1974-yilda Hindistonga ko‘chib o‘tgan. Buning uchun unda ko‘p imkoniyatlar mavjud edi — tillarni bilish, chiroyli ko‘rinish, plastika.

Ammo darhol aktrisa bo‘lish, albatta, qiyin masala. Kim dastlab model sifatida ishlay boshladi, shu orqali u aktyor Denni Denzongpa bilan tanishdi. Ular orasidagi munosabatning yaxshilanishi Yashpalga boshqa narsalar qatori kino olamiga kirib kelishiga ham yordam berdi.

1980-yilda u “Kechalarning birida” qo‘rqinchli filmida va bir yildan so‘ng “Taqdir” filmida rol o‘ynadi. 1982-yilda “Disko raqqosi” filmi namoyish etildi, bu Kimga nafaqat Hindistonda, balki chet elda ham mashhurlik olib keldi.

Albatta, film muvaffaqiyatidan so‘ng Yashpalning karyerasida o‘sish kuzatilishi kerak edi. Ammo aktrisada buning aksi yuz berdi — uning faoliyati kutilgan natijani bermadi. Afsuski, shaxsiy hayotida ham omadsizlikka uchragan Kim Denni bilan 7 yillik turmushdan keyin ajrashdi.

Shundan so‘ng aktrisa qanchalar go‘zal bo‘lmasin, unga filmlardan taklif tushmadi. Do‘sti Mithun Chakraborti bir muddat Kimga yordam berdi, lekin u ham baxtsiz hodisaga uchragach, kino sahnasidan butunlay chiqib ketdi. Shunday qilib, Kim 1993-yilda o‘zining so‘nggi filmida rol o‘ynadi va aktrisalik faoliyatini yakunladi.

Bugun Kim 62 yoshda. Uning hayoti haqida deyarli hech narsa ma’lum emas. Ayrim manbalarda Yashpalning turmush qurgani va ikki qizi borligi aytiladi. Ammo aktrisalikdan keyin qaysi sohada faoliyat yuritayotgani noma’lumligicha qoldi.