Анжелина Жоли нафақат актрисалик истеъдоди, балки меҳр-муҳаббатга тўла қалби билан ҳам кўпчиликнинг юрагини забт этган: у дунёни яхши томонга ўзгартириш истаги билан доим ҳаракатда. Бироқ юлдуз хайрия ишларидан ташқари ўзининг бетакрор образлари билан ҳам машҳур.
Анжелина Жоли кўпинча оёқларини узун кўрсатадиган учли туфли кияди
Юлдуз омма олдида устки қисми очиқ пойабзалда кўриниш беришни афзал кўради. Бу базм либослари билан моҳирона бирлаштирилган қаймоқранг баланд пошнали туфли ёки гардеробининг ажралмас элементи — қулай балеткалар бўлиши мумкин. Бунинг сири оддий: очиқ пойабзал терининг ранги билан уйғун ҳолда оёқларни визуал равишда узун кўрсатади. Бу ҳийла ишлаши учун терингизга ўхшаш рангдаги пойабзалларни танланг.
Актриса қора, оқ ва совуқ рангдаги либосларни афзал кўради
Юлдузга ярашадиган образларнинг яна бир сири — тўғри танланган ранг палитраси. У ёрқин рангдаги либосларни камдан кам кияди. Кўпинча Анжелинанинг танлови қора ва оқ классикаларга ёки кул ранг, қаймоқранг кийимларга тўғри келади. Бу ранглар унинг табиий гўзаллигини янада очади.
Юлдуз «кучли аёл» образи учун қандай кийинишни яхши билади
«Кучли аёл» услуби жасур ва мустақил хонимларга бизнес ва ҳаётнинг профессионал соҳаларида ўз ҳокимиятларининг кучини кўрсатишга ёрдам берадиган қатъий образларни ўз ичига олади. Дунёга машҳур актриса бизнес оламида қандай қилиб тўғри таассурот қолдиришни билади. Нафис юбкалар, шимли костюмлар ва минималист аксессуарлар унга ўз мақсадларига эришишига ёрдам беради.
Актриса ўзининг устунликларини таъкидлайдиган макияжни танлайди
Голливуд гўалининг энг севимли пардози — нафис стрелкалар, узун кирпиклар ва терининг табиий ранги. Жолининг ўзига хос лаб бўёғи ранглари — қизил, ёрқин пушти. Ёрқин тери, қизил лаблар, бўялган кўзлар ва услубдаги бироз бепарволик унинг рамзий қиёфасининг элементлари бўлиб, юлдуз қаерда бўлмасин олқишларга сазовор бўлади.
Жоли ўзининг мукаммал либос бичимини топа олган
«Юнон маъбудаси» — эҳтимол, бу метафора Жолининг севимли кечки базм либосларини энг аниқ тасвирлайди. Актриса кўпинча узун кўйлакларни танлайди, бу унинг силуэтини янада нозик кўрсатади. Буларга юқори белли, бир елкаси бурмали, бели ёки елкаси шифон қопламали қимматбаҳо тошлар билан безатилган либослар киради. Қизил гиламдаги Жолининг ҳар бир образи ўзига хос, «юнон маъбудаси» услуби эса унинг гардеробида мустаҳкам ўрин олгандек.
Изоҳ (0)