Карьераси ва ижтимоий фаолиятида сезиларли чўққиларни забт этган машҳур хонимлар муваффақият чўққисига эришишнинг сири ҳақида гапира туриб, ҳаётдан завқ олишга ёрдам бера оладиган кичик хурсандчиликлар борлигини ҳам таъкидлаб ўтишди.
Эмилия Кларк — сув муолажалари
Маълум бўлишича, актриса ваннада чўмилишни яхши кўради ва кўпинча суратга олишнинг оғир кунларидан кейин шундай қилади. «Мен учун бу ҳақиқий маросимдир, — деб тушунтиради актриса бир интервьюсида. — Ўзимга керакли ҳароратни танлайман, шифобахш тузларни қўшаман. Камида бир соат сувда ёта оламан, агар вақтим бўлса, уч соат давомида завқ билан дам олишим мумкин».
Бейонсенинг якшанба кунги энг севимли таоми
Қўшиқчи диетологлар тақиқлаган ҳамма нарсадан завқ олиш учун ҳафтада бир кун ажратади. Одатда бу якшанба куни бўлади — айнан дам олиш куни Бейонсе ўзи учун кичик байрам уюштиради. «Шу куни мен хоҳлаган нарсамни ейман. Одатда, бу пицца бўлади», — деб изоҳ беради хонанда.
Опра Уинфри — яна сув муолажаси
Машҳур телебошловчи ҳам Эмилия Кларк сингари сув процедураларини яхши кўради ва ҳатто уларни хобби деб атайди. Шубҳасиз, бу дам олиш усули юлдузлар орасида энг машҳурларидан биридир. «Мен барча турдаги тузларни, ванна мойларини ва умуман улар учун мўлжалланган ҳамма нарсани яхши кўраман», — деб тан олади Опра.
Герцогиня Меган — вино ва французча картошка
Сассекс герцогиняси ажойиб қомати билан фахрланади, унинг тан олишича, француз картошкаси ва қизил шароб унинг энг заиф томони.
Никол Кидман — ўзига ғамхўрлик ва озгина фитнес
«Мен маникюр қилишни, ўзимни озода ва тартибли сақлашни яхши кўраман. Кундалик бу ишлар менга чексиз завқ бағишлайди. Мисол учун, мен югуришдан кейин иссиқ душ қабул қилганимда ўзимни жуда яхши ҳис қиламан. Шундан сўнг танага косметика керак эмас — у соғлом ва янги кўринади», — дейди австралиялик актриса.
Мерайя Кери — сутли ванна
Америкалик хонанда, бир нечта қўшиқлар муаллифи ва хайриячи Мерайя ҳеч қачон бир жойда турмайди ва доимо замон билан ҳамнафас бўлади. Ўтган йили Кери ўзининг ғайриоддий гўзаллик муолажаларидан бирини айтганди. «Мен тез-тез сутли ванна қабул қиламан. Ҳа, баъзида сутни гўзаллик маҳсулоти сифатида ишлатаман. Бироқ бу ҳали ҳаммаси эмас, барча карталаримни ошкор қилмайман»
Хлоэ Ким — ётоқда еб ётиш
Америкалик спортчи ва олимпиядачи эрталабдан кечгача машқ қилади, шунинг учун унинг севимли дам олиш усули — кун бўйи ётоқда чўзилиб ётиш, тушликни пижамасида ейиш ва интернетда кезиш. «Мен каравотда ётишни, ҳеч нарса қилмасликни ва севимли таомимдан завқланишни яхши кўраман. Бундай пайтда олдимда компьютер, газак ва қулай пижама бўлади», — деб тан олади спортчи.
Марта Стюарт — ерёнғоқ мойи
Ишбилармон аёл ва уй хўжалигига оид китоблар муаллифи оддий аёл бахтининг сирларини яхши билади ва ўзиники билан ўртоқлашади. «Менинг машғулотларим унчалик қизиқ эмас, лекин фойдали. Бу — уйда тайёрланган бир бўлак пишлоқ билан бир қошиқ табиий ерёнғоқ мойи. Ажойиб газак! Бундан ташқари ухлашдан олдин тузланган селд балиғи билан ўзимни хурсанд қилиб тураман. Бу жуда тўйимли ва фойдали маҳсулот».
Изоҳ (0)