Жиззах Nexia ва Lacetti иштирокида юз берган ЙТҲда бир киши ҳалок бўлиб, тўрт киши жароҳатланди.
Жиззах вилояти Фавқулодда вазиятлар бошқармаси хабарига кўра, 23 апрель куни соат 13:40 ларда 4П-35 автомобиль йўлининг Дўстлик тумани ҳудудидан ўтувчи қисмида йўл-транспорт ҳодисаси содир бўлганлиги тўғрисида маълумот келиб тушган. Воқеа жойига зудлик билан бошқарма ёнғин-қутқарув отряди ҳамда Дўстлик тумани ФВБдан қутқарувчилар бўлинмаси етиб борган.
Аниқланишича, Гагарин—Жиззах йўналишида ҳаракатланаётган Nexia машинаси қарама-қарши йўналишдаги Lacetti билан тўқнашуви натижасида ЙТҲ содир бўлган.
Қутқарув ишлари давомида Lacetti салонида қисилиб қолган ҳайдовчи махсус ускуналар ёрдамида чиқарилиб, тиббиёт ходимларига топширилган. Nexia ҳайдовчиси эса оғир тан жароҳатлари туфайли воқеа жойида вафот этган, яна уч нафар фуқаро турли тан жароҳатлари билан Мирзачўл тумани тиббиёт бирлашмасига ётқизилган.
Мавзуга доир:
- Наманганда маст ҳайдовчи бошқарган Lacetti ўзидан олдинги Matiz билан тўқнашди
- Жиззахда мактаб ўқувчиларини олиб кетаётган автобуслар тўқнашди
- Наманганда Spark, «Жигули» ва юк машинаси иштирокида ЙТҲ содир бўлди
- Сурхондарёда Damas мултирадар ўрнатилган Cobalt билан тўқнашиши оқибатида 6 ёшли бола ҳалок бўлди (видео)
Изоҳ (0)