Транспорт вазирининг «Темир йўл кесишмаларидан фойдаланиш қоидаларини тасдиқлаш тўғрисида»ги буйруғи билан темир йўл кесишмаларидан фойдаланиш қоидалари тасдиқланди. Бу ҳақда Транспорт вазирлиги матбуот хизмати хабар берди.
Таъкидланишича, 7 боб ва 5 иловадан иборат қоидалар темир йўл ташишлари хавфсизлик даражасини оширишни таъминлаш, йўл транспорт ҳодисаларини ҳамда технологик ва техноген характердаги таҳдиднинг олдини олиш мақсадида халқаро амалиёт ва техник жиҳатдан тартибга солиш соҳасидаги меъёрий ҳужжатлар талабларини ҳисобга олган ҳолда тайёрланган.
Қоидаларда:
- темир йўл кесишмаларини кўрикдан ўтказиш ҳамда очиш ва ёпиш, темир йўл кесишмаларининг таснифи ва тоифаларини аниқлаш билан боғлиқ нормалар;
- темир йўл кесишмаларининг тузилиши, жиҳозланиши ва улардан фойдаланишга қўйиладиган талаблар;
- темир йўл кесишмалари чегарасида ва уларга олиб борадиган йўлларда жойлашган темир йўл кесишмалари, автомобиль йўллари участкалари тузилиши, жиҳозланиши, фойдаланилиши, сақланиши ва таъмирланишига бўлган талаблар;
- темир йўл кесишмаларида навбатчи ходимлар хизматининг ташкил этилишига бўлган талаблар белгиланди.
Изоҳ (0)