Hilton Group тармоғи Буюк Британияда фақат автомобиллар учун мўлжалланган ноодатий меҳмонхонани очди, деб хабар беради Motor.
Ўзига хос Hilton Car Storage меҳмонхонаси Хартфордшир графлигидаги Бишопс-Стортфорд шаҳрида очилган бўлиб, уч қаватли бинонинг майдони 7 минг квадрат метрни ташкил этади.
Маълум қилинишича, бу ерга ташлаб кетилган машиналарнинг хавфсизлиги кун-у тун таъминланади ва бино тўлиқ кузатув тизимига эга. Машиналар яхши сақланиши учун оптимал ҳарорат ва намлик даражасини ушлаб турувчи махсус иқлим тизими мавжуд.
Автомобиль эгаси қўшимча ҳимоя сифатида машинасини махсус ғилоф билан беркитиб қўйиши мумкин. Мижоз бу ердан машинани исталган вақтида олиб кета олади, шунингдек, меҳмонхонада «яшаш» вақти тугагач, у ўз эгасига етказиб ҳам берилади.
Автомобиль меҳмонхонада қолдирилган вақтда техник хизмат кўрсатиш, классик автомобиллар реставрацияси ёки спорт машиналарини пойгага тайёрлаш каби хизматлар ҳам кўрсатилиши мумкин. Зарурат туғилса, Hilton & Моss Restoration мутахассислари автомобилни дунёнинг исталган нуқтасига етказиб беради.
Мавзуга доир: Toyota аёллар учун махсус автомобиль ишлаб чиқарди
Изоҳ (0)