Америкада 2017 йилда асос солинган Independent Electric Vehicles компанияси Нью-Йоркда ўзининг биринчи машинаси — Indi One электромобилини намойиш этди. У замонавий дизайн ва тўлиқ узатмага эга беш ўриндиқли электрокроссовер кўринишида, бироқ эътиборга молик жиҳати автомобиль ичида: борт қисмидаги мултимедия тизими ўрнига Indi One Windows операцион тизимида ишлайдиган компьютерга эга бўлган. Унинг ёрдами ишлаш, видеоўйинлар ўйнаш, фото ва видеоларни таҳрирлаш — тўлақонли компьютерда бажариш мумкин бўлган барча амаллар билан шуғулланиш мумкин, деб хабар беради Motor.
Vehicle Integrated computer (VIC) олд панелга ўрнатилган иккиталик сенсорли панел кўринишида, интернетга чиқиш учун эса 5G модели мавжуд. Шунингдек, жамланмадан микрофон ва бешта камера ўрин олган бўлиб, уларнинг учтаси салонда жойлашган. Indi One’да видеоўйин ўйнаш, жумладан, «ҳаракат билан синхронлаштириш» мумкин.
Электрокроссовер панорамали том ва пневматик «подвеска»га эга. Standar Ini One’нинг дастлабки версияси ўрта узатмали. У сиғими 75 киловатт/соатга тенг аккумулятордан қувватланувчи 279 от кучига эга (410 Нм айланувчи момент) электромотор ёрдамида ҳаракатга келади. Бу машинага бир марта қувватланиш орқали 370 километргача ҳаракатланиш имконини беради.
Электромобилнинг Premium варианти иккита двигатель билан жиҳозланган — ҳар бир ўққа алоҳида. Улар жами 482 от кучи (730 Нм) тақдим этади, 95 киловатт/соатли батарея эса 480 километр масофага етади. Бундай версиянинг максимал тезлиги соатига 209 километрга чиқади, соатига 100 километр тезликка эришиш учун 4,2 сония кифоя — худди BMX Х7 каби.
Independent Electric Vehicles АҚШда буюртмалар олишни бошлаган. Машина нархи 45 минг доллардан бошланади. Айни вақтда компания электромобилни сертификатлаштириш ва краш-тестлардан ўтказиш билан шуғулланмоқда. Ишлаб чиқариш жараёнлари 2023 йилга режалаштирилган.
Изоҳ (0)