Бухоро вилоятида фуқароларга қалбаки авиачипталар расмийлаштириб берган МЧЖ раҳбари ва унинг шериги аниқланди, деб хабар беради Бош прокуратура ҳузуридаги департамент.
Маълум қилинишича, департаментнинг Бухоро вилоят бошқармаси томонидан фуқароларнинг ҳуқуқ ва манфаатларини ҳимоя қилиш юзасидан терговга қадар текширув ўтказилган. Текширув давомида «Б.Ф.» МЧЖ раҳбари, муқаддам фирибгарлик жиноятлари учун икки маротаба судланган Н.М. ва фуқаро И.Г. олдиндан тил бириктириб, 2022 йилнинг январь—февраль ойларида «С.А.» АЖ номидан 27 нафар фуқарога Бухоро—Домодедово йўналиши бўйича қалбаки авиачипта расмийлаштириб бергани аниқланган. Ушбу шахслар фуқароларнинг жами 52,7 миллион сўмини фирибгарлик йўли билан қўлга киритган.
Мазкур ҳолат юзасидан Жиноят кодексининг 168-моддаси (фирибгарлик) ва 228-моддаси (ҳужжатлар, штамплар, муҳрлар, бланкалар тайёрлаш, уларни қалбакилаштириш, сотиш ёки улардан фойдаланиш) билан жиноят иши қўзғатилиб, тергов ҳаракатлари ўтказилмоқда.
Аввалроқ Наманганда 82 кишига қалбаки авиачипта сотган аёлга жиноят иши қўзғатилгани тўғрисида хабар берилганди.
Мавзуга доир:
- Фарғонада бирга тадбиркорлик қилишларини айтиб, фуқародан 28 минг доллар олган аёл ушланди
- Хоразмда иссиқхона қуриш учун банкдан 2 млн доллар кредит ажратиб бериш эвазига 80 минг доллар олган шахслар ушланди
- Самарқандда интернет бизнесни ўргатиш ҳамда саёҳатлар ташкил этиш учун фуқаролардан қарийб 30 минг доллар ва 350 млн сўм олган шахслар ушланди
Изоҳ (0)