Toshkent shahri Mirzo Ulug‘bek tumanida 20-aprel kuni BMW ag‘darilib ketdi. Bu haqda shahar Ichki ishlar boshqarmasi xabar qildi.
Qayd etilishicha, holat shu kuni soat 07:30 larda Mirzo Ulug‘bek tumani Niyozbek ko‘chasidagi International House Tashkent akademik litseyi qarshisida sodir bo‘lgan. K.J. ismli haydovchi (1994-yilda tug‘ilgan) BMW avtomashinasini boshqarib ketayotgan vaqtida tezlikni oshirib, rul boshqaruvini yo‘qotgan. Oqibatda mashina yo‘l chetidagi daraxtga urilib, ag‘darilib ketgan.
YTH oqibatida haydovchi va salon ichida bo‘lgan bir nafar yo‘lovchi olgan tan jarohatlari bilan shifoxonaga murojaat qilgan.
Holat yuzasidan Toshkent shahar IIBB YHXB tomonidan surishtiruv olib borilmoqda.
Izoh (0)