«ПСЖ» ёзда аргентиналик футболчилар билан ҳамкорликни тўхтатмоқчи.
L’Equipe нашрининг хабарига кўра, парижликлар ҳужумчи Мауро Икарди ва ярим ҳимоячи Леандро Паредесга ёзда жамоани алмаштиришни таклиф қилди. Мавсум сўнгида «ПСЖ» билан шартномаси якунига етадиган Анхель ди Мария эса эркин агент сифатида жамоани тарк этади.
Шу тариқа «ПСЖ» Лионель Мессидан бошқа барча аргентиналик футболчилар билан хайрлашмоқчи.
Ди Мария 2015 йил август ойида француз жамоасига қўшилган эди. Шундан буён аргентиналик Париж клуби билан 17 та соврин қўлга киритди. 2019 йилда Икарди «Интер»дан, Паредес эса «Зенит»дан «ПСЖ» сафига ўтган эди.
Лионель Месси 2021/22 йилги мавсум Франция чемпионатида 21 та ўйинда майдонга тушиб, 3 та гол ва 13 та голли узатмага муаллифлик қилди.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)