Шавкат Мирзиёев раислигида 19 апрель куни ўтказилган видеоселектор йиғилишида маҳаллабай ишлаш тизимида амалга оширилиши зарур бўлган бир қатор вазифалар белгилаб берилди. Бу ҳақда президент матбуот котиби хабар қилди.
Қайд этилишича, республика бўйича 2 мингдан зиёд маҳалла хизматлар соҳасига ихтисослашган. Президент аҳолиси кўп қишлоқларда шаҳарлардаги мавжуд хизматларни имкон қадар йўлга қўйиш лозимлигини кўрсатиб ўтган. Мутасаддиларга аҳолиси 20 мингдан ошадиган 3-4 та маҳалла учун камида 1 тадан маҳаллалараро чакана савдо ва хизмат кўрсатиш марказларини ташкил этиш бўйича лойиҳа ташаббускорларини аниқлаш топширилган.
Ушбу марказлар ҳам, микросаноат марказлари каби 5 йил муддатга ер ва мол-мулк солиғидан озод этилиши белгиланган. Бу орқали вилоят ҳокимлари маҳаллаларда иккинчи чоракда хизматлар соҳасида 140 мингта иш ўрни яратиши зарурлиги таъкидланган.
Мавзуга доир:
- Ўзбекистонда касаначилар билан ишлайдиган тадбиркорларга 500 млрд сўм ажратилади
- «Ҳоким ёрдамчилари кредит, субсидия, ер олиб бераман, деб тамагирлик қилаётгани жуда ачинарли ҳолат» — Шавкат Мирзиёев
- Шавкат Мирзиёев ҳокимларга 3,5 мингдан ортиқ маҳаллага бориб, муаммоларни ҳал қилиш вазифасини қўйди
Изоҳ (0)