Тошкент вилояти Чирчиқ туманида 9 апрель куни тунги соат 03:15 дан тонггача Ички ишлар бошқармасига қўнғироқ қилиб, оператор ходимларни ҳеч бир сабабсиз куракда турмайдиган сўзлар билан ҳақоратлаган эркак суд томонидан жазога тортилди. Бу ҳақда вилоят ИИББ хабар қилди.
Ёзиб олинган телефон қўнғироқлари сухбатларидан маълум бўлишича, фуқаро Х.Н. (42 ёшли) ИИБ ходимларининг бир неча бор огоҳлантиришига қарамай, уларни турли номақбул сўзлар билан ҳақоратлаган.
Қайд этилишича, бундай ҳолат ушбу фуқаро билан биринчи мартаси эмас. Аввал ҳам фуқаро хизмат ходимларини ҳақоратлаб, ёлғон хабар бергани учун суд томонидан жавобгарликка тортилган.
Ҳолат юзасидан Х.Н. Маъмурий жавобгарлик тўғрисидаги кодекснинг 41 (ҳақорат қилиш), 183 (майда безорилик), 194-моддаларида (ички ишлар органлари ходимининг қонуний талабларини бажармаслик) кўрсатилган жиноятларни содир этганликда айбли деб топилган. Унга нисбатан узил-кесил 15 сутка маъмурий қамоқ жазоси тайинланган.
Мавзуга доир:
- Фарғонада профилактика инспекторига тан жароҳати етказган маст фуқарога жиноят иши қўзғатилди
- «Камерангни синдириб, қўлингга минг доллар бераман, янгисини оласан». Malibu ҳайдовчиси чақирган сохта ходим ЙПХ инспекторларини ҳақорат қилди (видео)
- Сурхондарёда қизини текширган суд-экспертиза ходимини ҳақоратлаб, ҳокимият вакилига қаршилик кўрсатган шахс 10 суткага қамалди
Изоҳ (0)