Toshkent viloyati Chirchiq tumanida 9-aprel kuni tungi soat 03:15 dan tonggacha Ichki ishlar boshqarmasiga qo‘ng‘iroq qilib, operator xodimlarni hech bir sababsiz kurakda turmaydigan so‘zlar bilan haqoratlagan erkak sud tomonidan jazoga tortildi. Bu haqda viloyat IIBB xabar qildi.
Yozib olingan telefon qo‘ng‘iroqlari suxbatlaridan ma’lum bo‘lishicha, fuqaro X.N. (42 yoshli) IIB xodimlarining bir necha bor ogohlantirishiga qaramay, ularni turli nomaqbul so‘zlar bilan haqoratlagan.
Qayd etilishicha, bunday holat ushbu fuqaro bilan birinchi martasi emas. Avval ham fuqaro xizmat xodimlarini haqoratlab, yolg‘on xabar bergani uchun sud tomonidan javobgarlikka tortilgan.
Holat yuzasidan X.N. Ma’muriy javobgarlik to‘g‘risidagi kodeksning 41 (haqorat qilish), 183 (mayda bezorilik), 194-moddalarida (ichki ishlar organlari xodimining qonuniy talablarini bajarmaslik) ko‘rsatilgan jinoyatlarni sodir etganlikda aybli deb topilgan. Unga nisbatan uzil-kesil 15 sutka ma’muriy qamoq jazosi tayinlangan.
Mavzuga doir:
- Farg‘onada profilaktika inspektoriga tan jarohati yetkazgan mast fuqaroga jinoyat ishi qo‘zg‘atildi
- “Kamerangni sindirib, qo‘lingga ming dollar beraman, yangisini olasan”. Malibu haydovchisi chaqirgan soxta xodim YPX inspektorlarini haqorat qildi (video)
- Surxondaryoda qizini tekshirgan sud-ekspertiza xodimini haqoratlab, hokimiyat vakiliga qarshilik ko‘rsatgan shaxs 10 sutkaga qamaldi
Izoh (0)