Ҳафтанинг биринчи ярмида ҳаво салқин бўлиб, ёмғир ёғади деб хабар бермоқда «Ўзгидромет».
Қайд этилишича, узоқ муддатли қуруқ об-ҳаводан сўнг, 18 апрель куни Ўзбекистоннинг жануби-ғарбий ҳудудларига Туркманистон устида шаклланган юқори циклон билан боғлик билан нам ҳаво массаси тарқала бошлайди. Бухоро, Навоий, Қашқадарё, Сурхондарё ва Самарқанд вилоятларида баъзи жойларда қисқа муддатли ёмғир ёғади, момақалдироқ бўлиши мумкин. Республиканинг қолган ҳудудларида ёғингарчиликсиз об-ҳаво сақланиб туради. Кундузги ҳаво ҳарорати 25-30 даража атрофида, ёмғир пайтида 20-25 даража бўлади.
19—20 апрель кунлари Ўзбекистоннинг барча ҳудудларига циклон таъсири тарқалади. Республика бўйича ёмғир ёғади, баъзи жойларда кучли бўлиши мумкин. Ҳаво ҳарорати аста-секин пасаяди ва 20 апрелда 28-23 даражани ташкил этади.
18 ва 19 апрелда баъзи жойларда шамол 17-22 метр/секундгача кучаяди, айрим жойларда чанг тўзон кузатилади.
Иш ҳафтасининг иккинчи ярмида Ўзбекистон бўйича қуруқ об-ҳаво бўлиши кутилмоқда. Кечалари бироз салқин бўлади. 22 апрелга келиб кундуз куни ҳарорат яна 25-28 даражагача кўтарилади.
18—21 апрелда республиканинг тоғолди ва тоғли ҳудудларида сел-тошқин ҳодисалари кузатилиши мумкин.
Эслатиб ўтамиз, «Ўзгидромет» 18—20 апрель кунлари Туркманистон орқали Эрондан нам ҳаво, сўнгра Волга бўйи ҳудудларидан нисбатан салқин ҳаво массаси кириб келиши, ҳафта бошларида кучли ёмғир ва дўл ёғишидан огоҳлантирганди.
Изоҳ (0)