Бир нечта жаҳон рекордларини ўрнатган Робби Баланжер исмли машҳур спортчи ҳақиқий электрокар билан «узоқ масофани босиб ўтиш» бўйича беллашишга қарор қилди, деб хабар беради Motor. Рақиб сифатида у Tesla Моdel 3 ни танлаган.
Балнежернинг сўзларига кўра, Моdel 3 ни чидамлилик бўйича ортда қолдириш — у ўз олдига шу пайтгача қўйган энг қийин вазифа. «Бу бир вақтнинг ўзида ҳаяжонлантиради ва қўрқувга солмоқда», — дейди у пойга аввалида.
Беллашув 11 апрель куни бошланган. Баленжер ва Tesla битта нуқтадан — Техас штатининг Остин шаҳридан 402 километр узоқликдан старт олган. 100 фоизга қувватлантирилган Моdel 3 олдиндан белгиланган маршрут бўйича қанча ҳаракатлана олса, шунча юради: тахминларга кўра, у 430 километрга яқин йўлни босиб ўтади. Шундан сўнг, спортчида электрокар тўхтаган жойга етиб олиш учун 72 соат вақт бор, агар уддаласа, ундан ўзиб кетиши ҳам мумкин.
Пойгага машғулотлар учун анжомларни ишлаб чиқаришга ихтисослашган Ten Thousand фирмаси ҳомийлик қилмоқда. Таъкидланишича, одатда чопиш билан шуғулланувчи спортчилар ҳар 100 милда (161 километр) 24 соат дам олишга рухсат берилади. Баленжернинг вазифаси масофа сабаб уч карра қийин — у йўлни бир мартада, шунингдек, об-ҳаво шароитлари ва нотекис рельефга қарамай босиб ўтиши лозим.
Бунга қадар Баленжер бутун АҚШ ҳудуди бўйлаб чопган, шунингдек, Нью-Йоркдаги Марказий боғда айланиб югуришлар сони бўйича рекорд ўрнатган — у 19 соатда 159 километр югурган. 2021 йилда у Колорадодаги 781 километрли йўлни 11 кундан босиб ўтиб, штатнинг 58 та тоғли чўққиларини забт этганди.
Изоҳ (0)