Qozog‘iston Rossiyaning “Sber” kompaniyalar guruhi bilan raqamlashtirish, platforma modeliga o‘tish va Data-driven Government konsepsiyasi sohasida hamkorlik qilmaydi. Bu haqda Qozog‘iston Respublikasi raqamli rivojlanish, innovatsiyalar va aerokosmik sanoat vaziri o‘rinbosari Asqar Jambakin ma’lum qildi.
Geosiyosiy vaziyat va imkoniyatlarimizni qayta ko‘rib chiqish munosabati bilan biz Qozog‘iston IT-kompaniyalarini jalb qilgan holda “NIT” kompaniyasi bilan o‘zimiz platforma yaratishga qaror qildik. Hozirda texnik-iqtisodiy asoslash ishlari olib borilmoqda. Joriy yil oxiriga qadar yangi platformaning birinchi xizmatlari ishlab chiqiladi va ishga tushiriladi, — deydi Asqar Jambakin.2021-yil sentabrda “Sber” guruhi bilan hamkorlik doirasida memorandum imzolangan edi. Keyinchalik bu qaror Qozog‘iston jamiyati tomonidan jiddiy tanqidga uchragan.
“Sber” sanksiyalar ostida
AQSH va Buyuk Britaniya “Sber” guruhiga nisbatan keskin sanksiyalar qo‘llagan. Unga ko‘ra “Sberbank” va uning nomidan har qanday hisobvaraqalarni ochish yoki yuritish mumkin emas.
Buyuk Britaniya “Sberbank” orqali funt sterlingda amalga oshiriladigan har qanday pul mablag‘larini taqiqlagan. Apple esa “Sber” guruhiga tegishli bo‘lgan “Sberbank”ni App Store’dan olib tashladi.
O‘zbekiston ovozli biometriyani joriy etish bo‘yicha Rossiyaning “Sber” guruhi bilan hamkorlik yo‘lga qo‘yilmoqda, hozirda Face ID’ni joriy etish ishlari olib borilyapti.
Izoh (0)