Жиззах вилояти халқ таълими ходимларини қайта тайёрлаш ва уларнинг малакасини ошириш ҳудудий маркази бўлим услубчиси пора билан қўлга тушди. Бу ҳақда Бош прокуратура ҳузуридаги департамент хабар берди.
Маълум бўлишича, ушбу ходим Б.И. умумий ўрта таълим мактаби ўқитувчилари О.Т. ва Ш.Қ.ни малака тоифасини олиш учун ўтказилаётган аттестация тест синовларидан танишлари ёрдамида ўтказиб бериш эвазига 1 200 доллар сўраган.
Пулларни фирибгарлик йўли билан олган вақтида Бош прокуратура ҳузуридаги департамент ҳамда ДХХнинг Жиззах вилояти бошқармалари томонидан ўтказилган тезкор тадбирда ашёвий далиллар билан ушланган.
Мазкур ҳолат юзасидан Жиноят кодексининг 168-моддаси (фирибгарлик) ва 28, 211-моддаси (пора бериш) билан жиноят иши қўзғатилиб, тергов ҳаракатлари ўтказилмоқда.
Мавзуга доир:
- Тошкентда 4000 долларга магистратурага ўқишга киритиб қўйишни ваъда қилган кафедра мудири ва унинг шериги ушланди
- Хоразмда 600 доллар эвазига «права» имтиҳонларидан ўтказиб қўйишни ваъда қилган шахс ушланди
- Сирдарёда тез ёрдамга диспетчерликка ишга киритиб қўйиш учун 700 доллар сўраган шифокор қўлга олинди
Изоҳ (0)