«Ювентус» ва «Наполи» президентлари футболга оид фаолиятдан четлаштирилиши мумкин. Италия футбол федерацияси прокурори функционерларга нисбатан шундай жазо сўраган, дея хабар беради Football Italia.
Ҳар иккала клуб футболчиларнинг трансфер нархларини ошириб кўрсатиб, ёлғон маълумот бериб келган.
Прокуратура «Ювентус» президенти Андреа Анеллини 1 йилга, туринликлар спорт директори Федерико Керубинини 6 ойга, клуб вице-президенти Павел Недвед ва бош директор Маурисио Арривабенени 8 ойга, ҳозирда «Тоттенҳэм»да фаолият олиб бораётган собиқ директор Фабио Паратичини 16 ойга дисквалификация қилишни сўрамоқда. Ундан ташқари айбловчилар «Ювентус»ни 800 минг евро жаримага тортишни талаб қилмоқда.
«Наполи» президенти Аурелио де Лаурентис 11 ой, унинг рафиқаси, ўғли ва қизи 6 ойга, неаполликлар бош директори Андреа Киaвелли 9 ой муддатга футбол фаолиятидан четлатилиши мумкин. Клуб эса 329 минг евро миқдорида жаримага тортилиши кутилмоқда.
Янада кўпроқ футбол ва спорт янгиликларидан бохабар бўлишни истасангиз, «Дарё»нинг Telegram’даги расмий спорт канали — @Daryo_Sport24’га обуна бўлинг!
Изоҳ (0)